چیف جسٹس آصف سعید کھوسہ نے الوداعی فل کورٹ اجلاس 17 دسمبر کو طلب کرلیا

اسلام آباد (ڈیلی اردو) چیف جسٹس آف پاکستان جسٹس آصف سعید کھوسہ نے الوداعی فل کورٹ اجلاس 17 دسمبر کو طلب کر لیا، فل کورٹ اجلاس میں سپریم کورٹ کے تمام ججز شرکت کریں گے۔

ذرائع کے مطابق چیف جسٹس آصف سعید کھوسہ کے اعزاز میں فل کورٹ ریفرنس 20 دسمبر کو منعقد ہوگا اس سے قبل چیف جسٹس نے اپنی ریٹائرمنٹ کے سلسلے میں الوداعی فل کورٹ اجلاس 17 دسمبر کو طلب کر لیاجس میں سپریم کورٹ کے تمام ججز شرکت کریں گے۔

20 دسمبر کو چیف جسٹس کے اعزاز میں فل کورٹ ریفرنس کورٹ روم نمبر ایک میں ہوگا جس میں چیف جسٹس اپنا الوداعی خطاب بھی کریں گے، نامزد چیف جسٹس گلزار احمد جسٹس آصف سعید کھوسہ کو خراج تحسین پیش کریں گے جبکہ اٹارنی جنرل انور منصور اور بار کے نمائندے بھی خطاب کریں گے۔