ڈیرہ اسماعیل خان میں ہتھلہ چیک پوسٹ پر دہشتگردوں کا حملہ ناکام

ڈی آئی خان (ڈیلی اردو) خیبر پختونخوا کے ضلع ڈیرہ اسمٰعیل خان میں مسلح دہشت گردوں نے کلاچی تھانے کی ہتھلہ چیک پوسٹ پر حملہ کیا تاہم کارروائی کے دوران کوئی جانی نقصان نہیں ہوا۔

تفصیلات کے مطابق پولیس ترجمان سید یعقوب بخاری نے میڈیا سے گفتگو کرتے ہوئے بتایا کہ حملہ آور دہشت گرد جدید ترین ہتھیاروں سے لیس تھے۔

ڈیرہ اسماعیل خان: کلاچی میں پولیس چیک پوسٹ ہتھالہ پر دہشت گردوں کا حملہ، بھاری ہتھیاروں سے فائرنگ اور دھماکوں کی آوازیں سنائی دے رہی ہیں۔ #Kalachi #DIKhan #Pakistan

— Shabbir Hussain Turi (@ShabbirTuri) February 7, 2023

انہوں نے بتایا کہ پولیس نے مؤثر جوابی کارروائی کی جس کی وجہ سے حملہ آور فرار ہونے پر مجبور ہوگئے۔

تھانے پر دہشت گردوں کے حملے کی اطلاع ملتے ہی ڈسٹرکٹ پولیس افسر محمد شعیب خان پولیس بھاری نفری کے ہمراہ موقع پر پہنچ گئے۔

واقعے کے فوری بعد قانون نافذ کرنے والے اداروں نے علاقے کو گھیرے میں لے کر سرچ آپریشن شروع کردیا۔