ڈیرہ اسماعیل خان: گومل میڈیکل کالج کے 90 ملازمین کو ملازمت سے فارغ کر دیا گیا

ڈی آئی خان (سید توقیر زیدی) گومل میڈیکل کالج ڈیرہ اسماعیل خان کے 90 ملازمین ملامت سے فارغ، پیاروں کو نوازنے کی راہ ہموار یا ایم ٹی آئی کا کرشمہ، سینکڑوں خاندانوں کا نوالہ چھین گیا۔

تفصیلات کے مطابق صوبہ بھر میں ہیلتھ ریفارمز اور پرائیوٹازیشن کی نظر ہوتے سرکاری ہسپتالوں کیساتھ میڈیکل کالج سے بھی ملازمین کو فارغ کرنے کا سلسلہ جاری ہے۔

زرائع سے ملنے والی معلومات اور دستاویزات کی روشنی میں ایم ٹی آئی بورڈ آف ڈائریکٹر کی 29 ویں میٹنگ میں یہ فیصلہ کیا گیا کہ گومل میڈیکل کالج ڈیرہ اسماعیل خان کے چوکیداروں، لیب اٹیڈنٹ، نائب قاصد، بہشتی اور مالی کی مختلف پوسٹوں پر موجود 90 ملازمین کو فارغ کر دیا جائے گا۔

ذرائع کے مطابق گومل میڈیکل کالج ڈیرہ اسماعیل خان میں نئی بھرتیوں کے اشتہارات بھی دئیے جا رہے ہیں۔ تبدیلی کی یہ ہوا کس رخ جا رہی ہے غریب عوام رلنے جا رہے ہیں۔

گومل میڈیکل کالج ڈیرہ اسماعیل خان کے جاری اس آرڈر اور فارغ ملازمین کے حوالے سے کالج انتظامیہ اور بڑے ایوانوں میں پہنچے عوامی نمائندے موقف دینے سے گریزاں ہیں۔ 90 خاندانوں سے روٹی کا نوالہ چھیننے اور ان کے گھروں کے چولہے ٹھنڈے کر دئے گئے ہیں۔