ڈی جی آئی ایس پی آر سے چیئرپرسن ڈیفنس آف ہیومن رائٹس آمنہ جنجوعہ کی ملاقات

راولپنڈی (ڈیلی اردو) ڈی جی آئی ایس پی آر سے چیئر پرسن ڈیفنس آف ہیومن رائٹس آمنہ مسعود جنجوعہ نے ملاقات کی، ملاقات میں لاپتہ افراد کے معاملے پر تبادلہ خیال کیا گیا۔

تفصیلات کے مطابق ڈی جی آئی ایس پی آر سے ڈیفنس آف ہیومن رائٹس کی چیئرپرسن آمنہ مسعود جنجوعہ کی ملاقات ہوئی، میجر جنرل آصف غفور کے مطابق دورانِ ملاقات لاپتہ افراد سے متعلق تفصیلی گفتگو ہوئی۔

پاک فوج کے شعبۂ تعلقاتِ عامہ کے مطابق حکومت، سیکیورٹی فورسز لاپتہ افراد کے معاملے پر کام کررہی ہیں جبکہ اس حوالے سے جوڈیشل کمیشن دن رات کوشاں ہے۔

انہوں نے بتایا کہ آرمی چیف جنرل قمر جاوید باجوہ نے اس حوالے سے خصوصی سیل جی ایچ کیو میں قائم کیا کیونکہ ہمارے دل لاپتہ افراد کے اہل خانہ کے ساتھ دھڑکتےہیں، بہت سے لاپتہ افراد کالعدم تینظم تحریک طالبان پاکستان (ٹی ٹی پی) کا حصہ ہیں۔

Met Amina Masood Janjua. Issue of missing persons discussed. State is with them to facilitate and address the issue. COAS has constituted a spec cell at GHQ for assisting the process. Our hearts go with the families of missing persons being Pakistanis. (1of2). pic.twitter.com/O5nI4hJ5Kc

— DG ISPR (@OfficialDGISPR) July 5, 2019

ڈی جی آئی ایس پی آر کے مطابق بعض ریاست کے پاس موجود افراد کے خلاف قانونی چارہ جوئی جاری ہے، ہر لاپتہ شخص ریاست پر نہیں ڈالا جا سکتا ہے کیونکہ بہت سارے افغانستان میں یا دہشت گردوں کے ہاتھوں لڑائی میں مارے گئے۔ جبکہ بیشتر افراد آج بھی کالعدم تنظیموں اور شورش زدہ علاقوں میں ہیں۔ ان کا کہنا تھا کہ لاپتا افراد کا معاملہ کافی حد تک حل ہو چکا ہے اور جو افراد ریاست کے پاس ہیں وہ قانونی عمل سے گزر رہے ہیں۔ لاپتا افراد کے معاملے پر قائم جوڈیشل کونسل شب و روز کام کر رہا ہے۔

Not every person missing is attributable to state. Many are there as part of TTP in Afg/ elsewhere or got killed fighting as part of TTP. Those with state are under legal process. She pledged that affected families shall not allow any anti state force to exploit them.(2of2). pic.twitter.com/DugYN1o1CC

— DG ISPR (@OfficialDGISPR) July 5, 2019

اس موقع پر چیئرپرسن انسانی حقوق تنظیم آمنہ جنجوعہ نے ریاست اور سیکیورٹی فورسز کی کاوشوں کا ادراک کیا اور ریاست اور سیکیورٹی فورسز کے تعاون پر شکریہ بھی ادا کیا۔

آمنہ مسعود جنجوعہ کا مزید کہنا تھا کہ لاپتہ افراد کے اہل خانہ کو ملک دشمن قوتوں کے ہاتھوں استعمال ہونے سے روکنے کی لئے اقدامات کئے جائیں۔