کراچی میں موٹر سائیکل سواروں کی فائرنگ سے پولیس اہلکار ہلاک، 3 زخمی

کراچی (بیورو رپورٹ) صوبہ سندھ کے دارالحکومت کراچی کے علاقے پٹیل پاڑہ میں نامعلوم موٹر سائیکل سواروں کی فائرنگ سے پولیس اہلکار قمر آزاد ہوگیا ہے۔

پولیس کے مطابق چاروں افراد ہوٹل پر کھانا کھارہے تھے، موٹرسائیکل سوار ہیلمٹ پہنے 2 ملزمان نے ان پر اندھا دھند فائرنگ کی۔ پولیس کا کہنا ہے کہ زخمی افراد کی جوابی فائرنگ سے ملزمان فرار ہوگئے۔

زخمیوں کو جناح ہسپتال منتقل کیا گیا جہاں زخمی اہلکار زخموں کی تاب نہ لاتے ہوئے دم توڑ گیا۔

عینی شاہدین کے مطابق ملزمان نے ہیلمٹ پہنے ہوئے تھے۔ پولیس کو جائے وقوع سے تیس بور اور نائن ایم ایم کے خول ملے ہیں۔ ہوٹل کے مالک نے بتایا کہ ملزمان نے اندھا دھند فائرنگ کی۔

اس واقعے میں ہلاک ہونے والے پولیس اہکار کے علاوہ تین افراد زخمی بھی ہوئے۔ پولیس کا کہنا ہے کہ یہ ٹارگٹ کلنگ کا واقعہ ہے۔