کراچی میں نامعلوم افراد کی فائرنگ، سب انسپکٹر غلام قادر شہید

کراچی (ڈیلی اردو) صوبہ سندھ کے صوبائی دارالحکومت کراچی کے علاقے سائٹ سپر ہائی وے پر نامعلوم ملزمان کی فائرنگ سے کراچی پولیس کا سب انسپکٹر شہید ہوگیا۔

تفصیلات کے مطابق کراچی کے علاقے سائٹ سپر ہائی وے پر نامعلوم افراد نے فائرنگ کرتے ہوئے سب انسپکٹر غلام قادر کو شہید کردیا ہے۔

ایس ایس پی ملیر کے مطابق مقتول کو رات گئے گھر سے تھانے کی طرف جاتے ہوئے نشانہ بنایا گیا۔ شہید سب انسپیکٹر کے بیٹے کا کہنا ہے کہ والد کا پرس موجود نہیں، صرف موبائل ملا ہے۔

ایم ایل او عباسی شہید ہسپتال کے مطابق شہید اہلکار کو سینے میں ایک ہی گولی لگی جسے فارنزک کیلئے بھجوا دیا گیا۔

ادھر کالعدم تنظیم جماعت الاحرار نے حملے کی ذمہ داری قبول کرلی ہے۔