کرتارپور پر بھارتی خفیہ یجنسی ”را” کا دہشتگردی کرانے کا منصوبہ بنانے کا انکشاف

نارووال (ڈیلی اردو/آن لائن) کرتارپور راہداری پر مودی سرکار کا دہشتگردی کرانے کیلئے منصوبہ بنانے کا انکشاف تاہم پاکستانی ایجنسیوں نے دہشتگردی کے اس منصوبے کا سراغ لگا کر دشمن کی چال کو نا کام بنا دیا۔

میڈیا رپورٹس کے مطابق کرتارپور راہداری پر مودی سرکار دہشتگردی کرانے کیلئے منصوبہ بنا رہی تھی دہشتگردی کا منصوبہ بھارتی ایجنسی راء اور افغانی ایجنسی این ڈی ایس کی جانب سے مشترکہ طور پر بنایا گیا تاہم پاکستانی اینٹیلی جنس ایجنسیوں نے دہشتگردی کے منصوبے کا سراغ لگا لیا ہے۔

بھارت پاکستان میں امن و آشتی کو تباہ کرنا چاہتا ہے۔ یہ بات بھی قابل غور رہے بھارتی حکومت اپنی ہی ریاست کو نچلے درجے کے ہندوں سمیت تمام تر مذاہب کے لوگوں کے لئے تنگ کردی گئی ہے، لوگوں سے مذہبی آزادی بھی چھینی جا رہی ہے۔

تاہم پاکستان کی جانب سے ذمہ داری کا مظاہرہ کیا گیا اور نہ صرف پاکستان میں تمام لوگوں کو مذہبی آزادی دی بلکے بھارت میں موجود سکھ برادری کو بھی اجازت دی کے وہ آسانی سے اپنی عقیدت کے مطابق بابا گرونانک کے در کی زیارت کریں۔

تاہم یہ بات بھارت کی ہندوتوا حکومت اب پاکستان میں مذہبی آزادی کو نشانہ بنانے کی کوشش کر رہی ہے۔