کرم میں سیکورٹی فورسز کا آپریشن، 20 سے زائد پاکستانی طالبان ہلاک

پاراچنار (نمائندہ ڈیلی اردو) پاکستان کے شورش زدہ صوبے خیبر پختونخوا کے قبائلی ضلع کرم کی تحصیل سنٹرل کرم میں سیکیورٹی فورسز کے ایک آپریشن میں کالعدم تحریک طالبان پاکستان (ٹی ٹی پی) کے کاظم گروپ کو نشانہ بنایا گیا۔

ذرائع کے مطابق اس کارروائی میں کاظم گروپ کے چھ اہم ارکان مارے گئے، جن میں ابو دردہ، قاری صدیق اور عبیدہ شامل ہیں۔ عبیدہ کا اصل نام باز نذیر بتایا گیا ہے، جو گروہ کا شاعر اور کمانڈر کاظم کا قریبی ساتھی اور تالو گنج کا رہائشی تھا۔

سیکیورٹی ذرائع کا کہنا ہے کہ مجموعی طور پر اس آپریشن میں تقریباً دو درجن پاکستانی طالبان مارے گئے۔

یہ آپریشن کرم میں حالیہ جھڑپوں کے بعد کی گئی، جن میں 17 پاکستانی فوجی افسران اور اہلکار ہلاک ہوئے تھے۔