کرم میں عسکریت پسندوں کی افغانستان فرار کی کوشش ناکام، تین ہلاک

کرم (نمائندہ ڈیلی اردو) پاکستان کے شورش زدہ صوبے خیبر پختونخوا کے قبائلی ضلع کرم میں وادی تیراہ آپریشن کے اثرات کرم میں بھی دکھائی دے رہے ہیں۔ سکیورٹی فورسز نے افغانستان فرار ہونے کی کوشش کرنے والے عسکریت پسندوں کی نقل و حرکت روک دی ہے۔

سکیورٹی ذرائع کے مطابق سکیورٹی فورسز نے قمر میلا پوسٹ کے قریب 30 سے زائد عسکریت پسندوں کی تشکیل کی نقل و حرکت کے خلاف انٹیلی جنس بیسڈ آپریشن کیا۔ آپریشن کے دوران فورسز نے فائرنگ کر کے عسکریت پسندوں کو نشانہ بنایا، جس سے وہ افغانستان میں موجود پناہ گاہوں تک پہنچنے میں ناکام رہے۔

سرچ آپریشن کے دوران ہلاک عسکریت پسندوں میں سے تین لاشیں برآمد ہوئیں، جبکہ ایک لاش مکمل طور پر جھلس چکی تھی۔ 

سکیورٹی ذرائع کے مطابق کارروائی کے بعد علاقے میں سرچ آپریشن جاری ہے اور مزید معلومات اکٹھا کی جا رہی ہیں۔