کوئٹہ میں دہشت گردوں کی فائرنگ سے پولیس کانسٹیبل ہلاک

کوئٹہ (ڈیلی اردو) صوبہ بلوچستان کے صوبائی دارالحکومت کوئٹہ میں دہشت گردوں کی فائرنگ سے پولیس کانسٹیبل ہلاک ہوگیا، جبکہ حملہ آور فرار ہونے میں کامیاب ہوگئے۔

#Just_In: A sepoy of Balochistan Constabulary Akhtar Hussain was martyred in a firing incident near Sariyab Mill #Sariyab Road #Quetta #Balochistan, the cop was going to home after performing night duty at his office when he was targeted, pic.twitter.com/7DH6hBsxaP

— ???????? (@Info_Balochistn) August 30, 2023

کوئٹہ کے علاقے سریاب روڈ پر دہشت گردوں نے فائرنگ کرکے پولیس کانسٹیبل کو ہلاک کردیا، کانسٹیبل اختر حسین بلوچستان کانسٹیبلری میں ملازم تھا۔

پولیس کا کہنا ہے کہ اہلکار اپنی ڈیوٹی ختم کرنے کے بعد گھر جارہا تھا، جائے وقوعہ سے نائن ایم ایم پستول کے 2 خول برآمد کرلئے گئے۔

مقتول کی لاش ہسپتال منتقل کردی گئی جبکہ واقعے کی مختلف پہلوؤں سے تحقیقات کا آغاز کردیا گیا۔

دوسری جانب کالعدم تنظیم تحریک طالبان پاکستان نے حملے کی ذمہ داری قبول کرلی۔