کوہاٹ: بڑی تخریب کاری کا منصوبہ ناکام، گاڑی 1500 کلو دھماکا خیز مواد برآمد

کوہاٹ (نمائندہ ڈیلی اردو) پاکستان کے شورش زدہ صوبے خیبر پختونخوا کے ضلع کوہاٹ میں دہشت گردوں کے منصوبے کو ناکام بنا کر شہر کو بڑی تباہی سے بچا لیا گیا۔

ڈی پی او کوہاٹ شہباز الٰہی کے مطابق بارودی مواد سے بھری گاڑی کے ذریعے تباہی کا منصوبہ بنایا گیا تھا، جس میں 20 ڈرمز میں کل 1500 کلوگرام (75 کلوگرام فی ڈرم) بارودی مواد موجود تھا۔

چکرکوٹ کے علاقے میں مشتبہ گاڑی کو روکنے کی کوشش کی گئی، جس پر ڈرائیور فرار ہونے کی کوشش میں گاڑی درخت سے ٹکرا گئی۔ پولیس نے فوری کارروائی کرتے ہوئے بارودی مواد کو ناکارہ بنا دیا۔

ڈی پی او نے بتایا کہ واقعے میں کسی جانی نقصان سے بچا گیا اور شہر میں بڑے حادثے سے بچاؤ ممکن ہوا۔