کوہاٹ میں فائرنگ، وفاقی وزیر شہریار آفریدی کا چچا زاد بھائی اصغر آفریدی شدید زخمی، ملزم گرفتار

کوہاٹ (نمائندہ ڈیلی اردو) صوبہ خیبر پختونخوا کے کوہاٹ میں سٹی گیٹ کے قریب نامعلوم مسلح افراد کی فائرنگ سے وفاقی وزیر مملکت شہریار آفریدی کا چچا زاد بھائی شدید زخمی ہو گیا۔

تفصیلات کے مطابق کوہاٹ کے تھانہ سٹی گیٹ کے قریب نامعلوم مسلح افراد کی فائرنگ سے وفاقی وزیر شہریار آفریدی کا چچا زاد بھائی شدید زخمی ہو گیا۔

پولیس کے مطابق فائرنگ سے اصغر آفریدی نامی تاجر زخمی ہوا ہے، جیسے فوری طور پر ڈی ایچ کیو ہسپتال منتقل کر دیا گیا۔ ڈی ایس پی

ڈی ایس پی سٹی عالم زیب نے نمائندہ ڈیلی اردو کو بتایا کہ خپولیس نے بروقت کارروائی کرتے ہوئے ملزم کو فرار ہوتے ہوئے گرفتار کر لیا۔ اصغر آفریدی وزیر سیفران شہریار آفریدی کا چچا زاد بھائی ہے۔

ڈی ایس پی نے بتایا کہ اصغر آفریدی اپنی سپئر پارٹس کی دوکان پر موجود تھے کہ ملزم اپنے رکشہ میں آیا اور اچانک اندھا دھند فائرنگ کر کے فرار ہونے کی کوشش کی۔ ملزم کو تفتیش کے لیے نامعلوم مقام پر منتقل کر دیا گیا۔