کینیڈا کی تاریخ کا دوسرا مہلک ترین سکول حملہ، 10 افراد ہلاک، 25 زخمی

اوٹاوا (ڈیلی اردو) کینیڈا کے صوبے برٹش کولمبیا کے علاقے ٹمبلر رج میں فائرنگ سے نو افراد ہلاک جبکہ 25 زخمی ہو گئے ہیں۔

مرنے والوں میں سے چھ افراد کی لاشیں ایک سکینڈری سکول سے ملیں جبکہ ساتواں شخص ہسپتال لے جاتے ہوئے راستے میں دم توڑ گیا۔ اس کے علاوہ دو افراد کی لاشیں سکول کے قریب ایک گھر سے ملی ہیں۔

پولیس کے مطابق مبینہ حملہ آور کی لاش بھی سکول سے ملی۔

اس حملے کے دوران بھیجے گئے الرٹ کے مطابق مبینہ حملہ آور ’خاتون ہے، جس کے بھورے بال ہیں‘ تاہم پولیس کا کہنا ہے کہ حملہ آور کی شناخت ہو چکی لیکن اس کا نام یا صنف اپنی ظاہر نہیں کی جا رہی۔

پولیس نے اس حملے میں استعمال ہونے والی بندوق اور متاثرہ افراد کی عمریں بھی ظاہر نہیں کی ہیں۔

سکول اور گھر میں ہونے والی اموات کے بارے میں ابھی تعلق کا واضح ہونا بھی باقی ہے۔

یہ واقعہ کینیڈا کی تاریخ میں کسی سکول پر ہونے والا دوسرا مہلک ترین حملہ ہے۔ اس سے قبل سنہ 1989 میں مونٹریال شہر میں ایسے ایک حملے میں 14 افراد ہلاک ہوئے تھے۔

واضح رہے کہ کینیڈا میں بندوق کے حوالے سے قوانین امریکہ سے زیادہ سخت ہیں، جس کی وجہ سے وہاں اس طرح کے حملوں کا امکان کم ہے۔