ہتھیاروں کی دوڑ اور اسلاموفوبیا سے عالمی مسائل میں اضافہ ہوا ہے، پاکستانی مندوب منیر اکرم

نیویارک (ڈیلی اردو) اقوام متحدہ میں پاکستان کے مستقل مندوب منیر اکرم کا کہنا ہے کہ ہتھیاروں کی دوڑ، اسلاموفوبیا اور نفرت انگیز تقاریر سے عالمی مسائل میں اضافہ ہوا ہے۔

چین اور ترقی پذیر ممالک پرمشتمل گروپ 77 کی انفارمیشن کمیٹی کے موقع پر دیے گئے بیان میں منیر اکرم نے کہا کہ کورونا وبا اور آب وہوا کی تبدیلی جیسے مسائل نے چیلنجز بڑھا دیے ہیں، بیشتر ممالک کو خوراک، توانائی اور سپلائی چین کی رکاوٹ جیسے سنگین چیلنجز کا سامنا ہے۔

انہوں نے کہا کہ ترقی یافتہ اور ترقی پذیر دنیا کے درمیان ڈیجیٹل فرق وسیع ہو رہا ہے، اس طرح کی صورتحال میں عالمی مواصلات کے شعبے نے نسبتاً بہتر کام کیا، وسیع عالمی معاونت کے لیے اطلاعات اور معلومات کی کمیٹی کا کردار اہم ہے۔

منیر اکرم کا کہنا تھا کہ عالمی امن و استحکام کے لیے پیغامات کو واضح اور مؤثر انداز میں سنا جانا چاہیے۔