ہندو برادری ملک بھر میں دیوالی کا تہوار منا رہی ہے

اسلام آباد (نمائندہ ڈیلی اردو) ہندو برادری ملک بھر میں اپنا مذہبی تہوار دیوالی جوش و خروش سے منا رہی ہے۔

وزیر اعظم عمران خان نے ہندو برادری کو دیوالی کی مبارکباد دیتے ہوئے نیک خواہشات کا اظہار کیا ہے۔

Wishing all our Hindu citizens a happy Diwali

— Imran Khan (@ImranKhanPTI) October 26, 2019

ہندوؤں کے مذہبی تہوار دیوالی کے موقع پر مختلف پارٹی رہنماؤں کی جانب سے بھی مبارکباد کے پیغامات دیے جا رہے ہیں۔

دیوالی کے موقع پر اماوس یا نئے چاند کی رات کو اہم سمجھا جاتا ہے اور اس دن سب اپنے گھروں میں چراغ روشن کرتے ہیں۔ یہ تہوار شمسی قمری ہندو تقویم کے مہینے کارتیک کے حساب سے منایا جاتا ہے، گریگورین تقویم کے مطابق یہ تہوار وسط اکتوبر اور وسط نومبر میں آتا ہے۔

دیوالی کی تاریخ بے حد قدیم ہے اور ہندو مت کے قدیم پرانوں میں اس کا ذکر “روشنی کی اندھیرے پرفتح کے دن” کے طور پر کیا جاتا ہے۔

ہندو برادری اس تہوار کو منانے کے لیے خصوصی اہتمام کرتی ہے جس کے تحت وہ نئے لباس زیب تن کرتے اس کے علاوہ گھروں اور بازاروں میں صفائی ستھرائی کا خاص اہتمام بھی کیا جاتا ہے۔