3 کروڑ روپے کی ڈکیتی میں ملوث سی ٹی ڈی کے تین اہلکار گرفتار، مقدمہ درج

کراچی (ڈیلی اردو) کاؤنٹر ٹیررازم ڈیپارٹمنٹ (سی ٹی ڈی) کے تین اہلکار ڈکیتی میں ملوث نکلے، ملزمان کو گرفتار کرکے ان کیخلاف مقدمہ درج کرلیا گیا ہے۔

تفصیلات کے مطابق کراچی میں ڈکیتی کی وارداتوں میں سی ٹی ڈی اہلکاروں کے ملوث ہونے کا انکشاف ہوا ہے، تینو ملزمان کو حراست میں لے کر ایف آئی آر درج کرلی گئی ہے۔

ڈی آئی جی کاؤنٹر ٹیررازم ڈیپارٹمنٹ ذوالفقار لاڑک کا کہنا ہے کہ تینوں اہلکاروں نے جعلی چھاپے میں ایک تاجر سے 3 کروڑ روپے چھینے اور ٹیررفنانسنگ و منی لانڈرنگ کا دعویٰ کیا۔

مذکورہ تاجر سنار کا کام کرتا ہے جو کراچی سے ملتان جارہا تھا۔

سی ٹی ڈی حکام کی جانب سے ملزمان مظہر، شعیب اور احسن کو ملازمت سے برطرف کرنے کی سفارش کی گئی ہے۔