آپریشن غضب للحق‘ میں 133 افغان طالبان اہلکار ہلاک، 200 زخمی، پاکستان کا دعویٰ

اسلام آباد (ڈیلی اردو) پاکستان کے وفاقی وزیرِ اطلاعات عطا اللہ تارڑ نے کہا ہے کہ ’آپریشن غضب للحق‘ کے تحت افغانستان میں کی گئی کارروائیوں میں اب تک افغان طالبان حکومت کے 133 اہلکار ہلاک اور 200 زخمی ہوئے ہیں۔

ایکس پر جاری بیان میں ان کا کہنا تھا کہ پاکستان نے کابل، پکتیکا اور قندھار میں دفاعی اہداف کو نشانہ بنایا۔

وزیرِ اطلاعات کے مطابق کارروائیوں میں افغان طالبان کے دو کور ہیڈکوارٹر، دو اسلحہ ڈپو، ایک لاجسٹک گودام، تین بٹالین ہیڈکوارٹر، دو سیکٹر ہیڈکوارٹر اور 80 سے زائد ٹینکس تباہ کیے گئے۔

ان دعوؤں کی آزاد ذرائع سے تصدیق نہیں ہو سکی جبکہ پاکستان کا کہنا ہے کہ جوابی کارروائیاں جاری ہیں۔