اسرائیل میں ایرانی بیلسٹک میزائل حملے میں دو افراد ہلاک

تل ابیب (ڈیلی اردو) ایران کی جانب سے اسرائیل پر کیے گئے بیلسٹک میزائل حملوں میں دو افراد ہلاک جبکہ متعدد زخمی ہو گئے ہیں۔

اسرائیلی پولیس کے مطابق ایران کے میزائل حملے میں تل ابیب کے مختلف مقامات کو نشانہ بنایا گیا، جس کے نتیجے میں دو افراد جان کی بازی ہار گئے۔

اسرائیلی ایمبولینس سروس ماگن ڈیوڈ ادوم (MDA) کے ایک ایمرجنسی ریسپانڈر نے خبر رساں ادارے اے ایف پی کو بتایا کہ انھوں نے ایک عمارت سے "اٹھتا ہوا دھواں" اور "وسیع پیمانے پر تباہی" دیکھی۔

بعد ازاں طبی عملے نے تل ابیب کے مشرق میں رامات گان کے علاقے میں ایک مرد اور ایک خاتون کی موت کی تصدیق کی، جنہیں شریپنل لگنے سے شدید چوٹیں آئی تھیں۔

بنی براق کے علاقے میں، ایم ڈی اے ٹیموں نے ایک زخمی شخص کو ہسپتال منتقل کیا۔