اسرائیل نے تہران میں ایرانی اسپیس فورس ہیڈکوارٹر تباہ کردیا

یروشلم (ڈیلی اردو) اسرائیلی فوج کے مطابق اس نے تہران میں ایرانی پاسدارانِ انقلاب کے ’’اسپیس فورس ہیڈ کوارٹر‘‘ کو نشانہ بنایا ہے۔

فوج نے بیان میں کہا کہ حملوں کے سلسلے میں، آئی ڈی ایف نے ایرانی حکومت کے آئی آر جی سی اسپیس فورس کے ہیڈ کوارٹر کو نشانہ بنا کر اسے تباہ کر دیا ہے۔

بیان میں مزید کہا گیا، ’’یہ ہیڈ کوارٹر ایرانی اسپیس ایجنسی کے لیے ریسیپشن، ٹرانسمیشن اور ریسرچ سینٹر کے طور پر کام کر رہا تھا، جو کہ حکومت کی فوج سے منسلک ہے۔‘‘

اسرائیلی فوج کے مطابق اس مقام پر تحقیقی مراکز کے ساتھ ساتھ ’خیام‘ سیٹلائٹ کا کمانڈ اینڈ کنٹرول سینٹر بھی موجود تھا، جسے ’’ریاستِ اسرائیل اور اس کے شہریوں کی نگرانی‘‘ کے لیے استعمال کیا جاتا تھا۔

اتوار کے روز اسرائیلی فوج نے یہ بھی بتایا کہ اس نے تہران میں دیگر مقامات کو بھی نشانہ بنایا ہے، جن میں تقریباً 50 بنکرز شامل ہیں۔