اسرائیلی فورسز نے چھاپے کے دوران 7 فلسطینیوں کو ہلاک کردیا

غزہ (ڈیلی اردو) اسرائیلی فورسز نے مقبوضہ مغربی کنارے میں چھاپے کے دوران 7 فلسطینیوں کو ہلاک کردیا۔

The five Palestinians killed by the lsraeli occupation forces in Jericho. pic.twitter.com/2c1yVV413H

— TIMES OF GAZA (@Timesofgaza) February 6, 2023

غیر ملکی میڈیا کے مطابق اسرائیلی فورسز نے پیر کی صبح اردن کی سرحد کے قریب واقع عقبات جبر پناہ گزین کیمپ پر چھاپے کے دوران 7 فلسطینیوں کو ہلاک کردیا۔

اسرائیلی قابض فوج نے دعویٰ کیا کہ ہلاک والوں میں 28 جنوری کو جیریکو کے قریب ایک اسرائیلی ریسٹورنٹ پر فائرنگ کے ناکام حملے میں ملوث جنگجو شامل ہیں۔

اسرائیلی فوج نے کئی ضبط شدہ آتشیں اسلحے کی تصویر بھی شائع کی ہے جو شہدا سے برآمد کیا گیا، افواج نے لاشیں قبضے میں لے لیں۔

فلسطینی میڈیا کے مطابق چھاپے کے دوران ایک اسرائیلی فوجی مبینہ طور پر گولی لگنے سے زخمی ہوگیا۔

دریں اثنا اسرائیلی فوج نے حماس کے سینئر عہدیدار شاکر عمارہ کو عقبات جبر کیمپ میں ان کے گھر سے اغوا کرلیا۔