اسلام آباد: پارلیمنٹ لاجز میں پارلیمانی سیکرٹری برائے انسانی حقوق کے ڈرائیور نے خودکشی کرلی

اسلام آباد (ڈیلی اردو) پارلیمنٹ لاجز اسلام آباد میں اقلیتی رکن قومی اسمبلی کے کمرے سے اس کے ڈرائیور کی پھندا لگی ہوئی لاش ملی ہے۔

اسلام آباد پولیس ذرائع کے مطابق پارلیمنٹ لاجز کے ایک کمرے سے پھندہ لگی لاش برآمد کی گئی ہے۔ لاش پنکھے سے لٹکی ہوئی تھی اور اس کے گلے میں لوہے کی زنجیر تھی۔ جس کی شناخت سنتوش کمار کے نام سے ہوئی ہے۔ پولیس ذرائع کے مطابق مرنے والا شخص تحریک انصاف کے رکن قومی اسمبلی و پارلیمانی سیکرٹری برائے انسانی حقوق لعل چند ملہی کا ڈرائیور بتایا جاتا ہے۔

دوسری جانب رکن قومی اسمبلی لال چند نے ڈرائیور کی خود کشی کی تصدیق کرتے ہوئے کہا کہ لال چند گزشتہ چار پانچ سال سے میرے پاس ڈرائیور تھا، ڈرائیور کا اپنا گھریلو تنازعہ تھا۔

لال چند نے کہا کہ خودکشی سے قبل اس نے ایک ویڈیو بھی بنائی ہے جس میں وہ کہہ رہا ہے کہ وہ اپنی بیوی اورساس سے تنگ آگیا ہوں۔