افریقی ملک یوگنڈا میں تین خودکش دھماکے، 3 افراد ہلاک، 33 زخمی

خکک (ڈیلی اردور/ائٹرز) افریقی ملک یوگنڈا میں یکے بعد دیگرے ہونے والے تین خودکش دھماکوں میں 3 افراد ہلاک اور 33 زخمی ہوگئے۔

عالمی خبر رساں ادارے کے مطابق افریقی ملک یوگنڈا میں پارلیمنٹ اور سینٹرل پولیس اسٹیشن کے نزدیک تین خودکش بمباروں نے دو حملوں میں خود کو بارودی مواد سے اُڑا لیا۔

#Uganda
•Three suicide bombers carried out attacks – police
• Three dead, dozens wounded
•Uganda has been hit by a wave of bombings
•No immediate claim of responsibility https://t.co/F47u3Ns5fG pic.twitter.com/xPSmVNx83W

— Reuters Africa (@ReutersAfrica) November 16, 2021

پہلا خودکش حملہ پولیس اسٹیشن کی چیک پوسٹ پر کیا گیا جس کے نتیجے میں 2 افراد ہلاک ہوگئے جس کے بعد دو حملہ آوروں نے بارود سے بھری موٹر سائیکل پارلیمنٹ کے قریب چیک پوسٹ سے ٹکرا دی۔

دونوں دھماکوں کا مقام ایک دوسرے قریب تھا جس میں 3 افراد ہلاک اور 33 زخمی ہوگئے جن میں 7 کی حالت نازک ہونے کے سبب ہلاکتوں میں اضافے کا خدشہ ہے۔

حملے کے بعد ارکان پارلیمنٹ بھی خوف زدہ ہو کر باہر نکل آئے۔ علاقے میں بھگدڑ مچ گئی جب کہ آس پاس کی عمارتوں اور گاڑیوں کے شیشے ٹوٹ گئے۔

پولیس نے علاقے کا محاصرہ کرلیا ہے۔ تاحال کسی گروپ نے حملے کی ذمہ داری قبول نہیں کی ہے۔

واضح رہے کہ دو ماہ قبل ایک فوڈ اسٹریٹ پر پارسل بم دھماکا ہوا تھا جب کہ رواں برس کے آغاز پر وزیر ٹرانسپورٹ سابق فوجی کمانڈر جنرل کُٹمبا وامالا گاڑی پر فائرنگ میں محفوظ رہے تاہم ان کی بیٹی اور ڈرائیور ہلاک ہوگئے تھے۔