افغانستان: پکتیا میں گردیز ہسپتال پر خودکش حملہ ناکام، حملہ آور ہلاک

کابل (نمائندہ ڈیلی اردو) افغانستان کے صوبے پکتیا میں پولیس حکام کا کہنا ہے کہ انھوں نے شہر کے ایک بڑے ہسپتال میں ایک خودکش حملہ آور کے داخل ہونے کی کوشش کو ناکام بنا دیا ہے۔

تفصیلات کے مطابق صوبے پکتیا کے صوبائی دارالحکومت گردیز میں دہشت گردی کی سازش ناکام بنا دی گئی۔ پولیس نے خودکش بمبار کو گولی مار کر ہلاک کر دیا۔

افغان وزارت داخلہ کے ترجمان نصرت رحیمی کے مطابق ایک خودکش بمبار گردیز کے ہسپتال میں داخل ہونے کی کوشش کی جس پر پولیس نے بروقت کارروائی کرتے ہوئے حملہ آور کو فائرنگ کرکے ہلاک کر دیا۔

تازه!
لحظات قبل یک تن انتحاری در ساحه بلندمنزلهای شهر گردیز ولایت پکتیا توسط پولیس شناسائی و هدف قرار گرفت.
به کسی دیگری در نتیجه این انفجار آسیب نرسیده است. pic.twitter.com/xPiyUHzQUr

— Nasrat Rahimi (@NasratRahimi12) September 2, 2019

اطلاعات کے مطابق اس حملے میں کوئی اور شخص زخمی نہیں ہوا۔ پولیس کا کہنا ہے کہ جائے وقوع کو خالی کروا لیا گیا ہے اور صورتحال حکام کے قابو میں ہے۔