امریکا نے ایران کی آبنائے خلیج فارس اتھارٹی پر پابندیاں عائد کر دیں

واشنگٹن (ڈیلی اردو) امریکی وزارت خزانہ نے آبنائے خلیج فارس اتھارٹی پر پابندیاں عائد کر دی ہیں۔

امریکی وزارت خزانہ کے مطابق یہ ادارہ پاسداران انقلاب سے منسلک ہے اور آبنائے ہرمز سے گزرنے والے جہازوں سے آمدنی حاصل کرنے کی کوشش کرتا ہے۔

رپورٹ کے مطابق ایران نے آبنائے ہرمز اور اس کے اطراف جہازوں کی نگرانی کے لیے یہ ادارہ قائم کیا تھا، خاص طور پر اس تناظر میں کہ خطے میں کشیدگی اور سمندری راستوں کی نگرانی میں اضافہ ہوا ہے۔

ادارے کے بیان میں کہا گیا تھا کہ آبنائے ہرمز میں جہاز رانی اس کے ساتھ ہم آہنگی سے مشروط ہوگی، جبکہ نگرانی کا دائرہ کار ایران اور متحدہ عرب امارات کے مختلف ساحلی علاقوں تک پھیلا ہوا ہے۔