امریکا کے جواب میں روس کے دو بیلسٹک میزائل تجربات

ماسکو (ڈیلی اردو) روسی فوج نے امریکہ کے میزائل تجربے کے جواب میں دو بیلسٹک میزائل تجربات کیے ہیں۔

روسی وزارت دفاع کے مطابق قطب شمالی اور بیرنٹس سی میں موجود بحری بیڑوں سے داغے جانے والے یہ میزائل آرخن گلسک اور جزیرہ کامچاتکا میں طے شدہ اہدف پر لگے۔

روسی وزارت دفاع کے مطابق تجربے کے دوران میزائلوں کی فنی خصوصیات کا بغور جائز لیا گیا۔ روس کے صدر ولادی میر پیوٹن نے گزشتہ دنوں وزارت دفاع کو حکم دیا تھا کہ وہ امریکہ کے حالیہ میزائل تجربے کا جواب دینے کی تیاری کرے۔

امریکہ نے گزشتہ پیر کو جدید ترین کروز میزائل کے تجربے کا اعلان کیا تھا جو 500 کلومیٹر تک پرواز کرنے کے بعد اپنے ہدف کو نشانہ بنانے کی صلاحیت رکھتا ہے۔