اورکزئی میں بارودی سرنگ کا دھماکا، دو بچے شدید زخمی

اسلام آباد (ش ح ط) خیبر پختونخوا کے قبائلی ضلع اورکزئی میں بارودی سرنگ پھٹنے سے دو بچے شدید زخمی ہوگئے۔

تفصیلات کے مطابق اپر اورکزئی کے علاقے خادیزئی میں بارودی سرنگ پھٹنے سے دو کم سن بچے شدید زخمی ہو گئے۔ پولیس ذرائع کے مطابق خوگ معین اور زاہد خان ولد اکبر خان بھیڑ بکریاں چروا رہا تھا کہ زیر زمین چھپائی گئی بارودی سرنگ پھٹنے سے شدید زخمی ہوگئے۔

زخمی بچوں کو کوہاٹ کے ڈی اے ہسپتال منتقل کر دیا گیا پولیس ذرائع کا کہنا تھا کہ آئی ڈی کو نامعلوم شرپسندوں نے پہلے سے نصب کی تھی۔

دھماکے کی اطلاع ملتے ہی فورسز کی بھاری نفری جائے وقوعہ پر پہنچ گئی اور علاقے کو گھیرے میں لے کر سرچ آپریشن شروع کردیا۔