ایران میں کُرد فورسز کی ممکنہ کارروائیاں، ٹرمپ کی حمایت کا عندیہ

واشنگٹن (ڈیلی اردو) امریکی صدر ڈونلڈ ٹرمپ نے ایران میں سرگرم کُرد فورسز کی ممکنہ کارروائیوں کے حوالے سے حمایت کا عندیہ دیا ہے۔

خبر رساں ادارے روئٹرز کے مطابق صحافیوں سے گفتگو میں ٹرمپ نے کہا کہ اگر کُرد فورسز لڑنا چاہتی ہیں تو "یہ اچھی بات ہے" اور ان کا مقصد فتح حاصل کرنا ہوگا۔

جب ان سے پوچھا گیا کہ آیا امریکہ ایرانی کُرد فورسز کو فضائی دفاع فراہم کرے گا تو انہوں نے براہ راست جواب دینے سے گریز کرتے ہوئے کہا، “میں اس بارے میں آپ کو کچھ نہیں بتا سکتا۔”

دوسری جانب ذرائع کا کہنا ہے کہ گزشتہ چند گھنٹوں کے دوران ایران کے مغربی علاقوں میں سرگرم کُرد فورسز ایران کی سکیورٹی فورسز کے خلاف ممکنہ حملوں کے سلسلے میں امریکہ سے مشاورت کر رہی ہیں۔