ایران و عراق نے زائرین کیلئے خسروی پاس کھول دیا

بغداد (ڈیلی اردو/نیوز ایجنسی) مغربی ایران اور مشرقی عراق کے درمیان واقع خسروی پاس بھی زائرین کی رفت و آمد کے لیے کھول دیا گیا ہے۔

خسروی پاس کربلائے معلی، کاظمین شریفین اور سامرہ جانے کے لیے قریب ترین راستہ ہے جو کافی عرصے سے سکیورٹی وجوہات کی بنا پر بند تھا۔

حکام کا کہنا ہے کہ خسروی پاس کھولے جانے سے مقامات مقدسہ کی زیارت کی غرض سے عراق جانے والے زائرین کے لیے آسانیاں پیدا ہوں گی اور دونوں ملکوں کے درمیان سرحدی اور سفارتی تعاون کے نتیجے میں اس سال کربلائے معلی جانے والے زائرین کی تعداد میں نمایاں اضافہ ہوگا۔

واضح ر ہے کہ خسروی پاس سے کربلا معلی صرف 300 کلومیٹر کے فاصلے پر واقع ہے جبکہ کاظمین کا فاصلہ 203، نجف اشرف کا 3سو اور سامرہ کا 326 کلومیٹر ہے۔