برطانوی بادشاہ پر انڈے پھینکنے والا شخص گرفتار

لندن (ڈیلی اردو) برطانیہ کے نئے بادشاہ چارلس اور ان کی اہلیہ کمیلا پر انڈے پھینکنے والے شخص کو گرفتار کرلیا گیا۔

بدھ کے روز شمالی انگلینڈ میں ایک دورے پر موجود بادشاہ اور ان کی اہلیہ پر نامعلوم شخص نے انڈے پھینکنے کی کوشش کی۔

سوشل میڈیا پر جاری فوٹیج میں دیکھا جاسکتا ہے کہ چار انڈے برطانوی بادشاہ اور ان کی اہلیہ کے پاس سے اڑتے ہوئے زمین پر گرے۔

لیکن بادشاہ اس واقعے سے بے نیاز دکھائی دئیے اور دورے کو جاری رکھا۔

ایک شخص کو ”یہ ملک غلاموں کے خون سے بنایا گیا ہے“ اور ”میرے بادشاہ نہیں“ کے نعرے لگاتے ہوئے سنا گیا۔ جسے پولیس نے گرفتار کرلیا۔

A man has been detained by police after appearing to throw eggs at the King and Queen Consort in York.

Read more: https://t.co/D5u1c5OAdO pic.twitter.com/pF0FXq4oiU

— BBC Yorkshire (@BBCLookNorth) November 9, 2022

اپنی والدہ ملکہ الزبتھ کے انتقال کے بعد ستمبر میں تخت پر آنے والے چارلس شمالی انگلینڈ کے دو روزہ دورے پر ہیں۔

الزبتھ کی شاہی کار پر 2022 میں بھی انڈے پھینکے گئے تھے جب وہ وسطی انگلینڈ کے شہر ناٹنگھم گئی تھیں اور 1995 میں وسطی ڈبلن میں واک آؤٹ کے دوران برطانوی مخالف مظاہرین نے چارلس پر انڈے پھینکے تھے۔