بلوچستان: ایرانی سرحد سے دہشتگردوں کا حملہ، پاکستانی فورسز کے 4 اہلکار ہلاک

راولپنڈی (ک م) صوبہ بلوچستان کے ضلع کیچ کے جل سیکٹر میں سرحد پار سے دہشتگردوں کے حملے میں سکیورٹی فورسز کے 4 اہلکار ہلاک ہو گئے۔

پاکستانی فوج کے شعبہ تعلقات عامہ آئی ایس پی آر کے مطابق ایرانی سرحد سے ضلع کیچ کے جل سیکٹر میں دہشتگردی کی کارروائی میں سکیورٹی فورسز کے 4 اہلکار ہلاک ہوئے، دہشتگردوں نے سکیورٹی فورسز کے قافلے کو نشانہ بنانے کیلئے ایرانی سرزمین استعمال کی۔

ہلاک ہونے والوں اہلکاروں میں نائیک شیر احمد، لانس نائیک محمد اصغر، سپاہی عرفان اور عبدالرشید شامل ہیں۔

آئی ایس پی آر کے مطابق سکیورٹی فورسز کے قافلے کو بارڈر پر گشت کے دوران نشانہ بنایا گیا، ایران سے دہشتگردوں کے خلاف کارروائی کا مطالبہ کیا ہے۔

دوسری جانب کالعدم تنظیم بلوچ لبریشن آرمی (بی ایل اے) نے حملے کی ذمہ داری قبول کرلی۔

https://twitter.com/ShabbirTuri/status/1642161804150464512?t=DeFyRveVDDlAYh9xOoaSJQ&s=19

ترجمان جیئند بلوچ نے دعوی کیا ہےکہ آج صبح آٹھ بجے کے قریب کیچ کے علاقے زامران میں سادیم کے مقام پر پاکستانی فوج کی ایک گاڑی کو اس وقت گھات لگاکر کر نشانہ بنایا، جب وہ مذکورہ علاقے میں گشت پر معمور تھی۔ سرمچاروں نے جدید و خودکار ہتھیاروں کا استعمال کیا، جس کے نتیجے میں گاڑی میں سوار فوج کے تمام چار اہلکار شیر احمد، لانس نائیک محمد اصغر، سپاہی محمد عرفان اور سپاہی عبدالرشید موقع پر ہلاک ہوگئے۔

حملے کے نتیجے میں پاکستانی فوج کی گاڑی مکمل تباہ ہوگئی جبکہ سرمچاروں نے تمام اہلکاروں کو ہلاک کرنے کے بعد ان کا اسلحہ و گولہ بارود اپنے قبضے میں لیا۔

اسلام آباد میں ‎ایرانی سفارت خانے نے ‎بلوچستان کے ‎کیچ ضلع میں ‎پاکستانی سکیورٹی فورسز پر حملے کی شدید مذمت کی ہے۔

The Embassy of the Islamic Republic of Iran in Pakistan, strongly condemns today's #terrorist_attack against the Pakistani forces in the Kech district. It expressed sympathy with the families of those who lost lives and prays for the martyrs.

— Embassy of Islamic Republic of Iran- Islamabad (@IraninIslamabad) April 1, 2023

ایرانی سفارت خانے کے بیان میں کہا گیا کہ دہشت گردی دونوں ممالک کے لئے ایک مسلہ ہے اور دونوں مسلمان ممالک نے اس لعنت کو ختم کرنے کے لیے بہت قیمتی جانوں کی قربانیاں دی ہیں۔

بیان میں کہا گیا کہ دونوں ممالک مشترکہ طور پر تعاون سے دہشت گرد گروہوں کو اپنے ناپاک عزائم کے حصول سے روک سکتے ہیں ۔