بلوچستان: خضدار میں داعش کا اہم کمانڈر ساتھی سمیت مارا گیا

کوئٹہ (بیورو رپورٹ) کاؤنٹر ٹیررازم ڈپارٹمنٹ (سی ٹی ڈی) نے خضدار میں کارروائی کرتے ہوئے عالمی شدت پسند تنظیم سے تعلق رکھنے والے اہم کمانڈر سمیت 2 مبینہ شدت پسند مارے گئے۔

تفصیلات کے مطابق بلوچستان کے ضلع خضدار کے علاقے سورگز میں سی ٹی ڈی نے خفیہ اطلاع پر کارروائی کی۔

https://twitter.com/Natsecjeff/status/1573323519622250498?t=F9FPsYVAPExhk-wdy7cAWQ&s=19

ترجمان سی ٹی ڈی کے مطابق کارروائی کے دوران دو طرفہ فائرنگ کے نتیجے میں دونوں ملزمان ہلاک ہوگئے جب کہ ان کے تین ساتھی فرار ہوگئے۔

ترجمان سی ٹی ڈی کے مطابق سی ٹی ڈی کو خفیہ اطلاع ملی تھی کہ خضدار میں کالعدم تنظیم کے دو مبینہ شدت پسند موجود ہیں جس پر سی ٹی ڈی کی ٹیم نے چھاپہ مار کارروائی کی۔

ہلاک ہونے والے مبینہ شدت پسند کے سر کی قیمت دس لاکھ روپے مقرر کی گئی تھی۔

ترجمان نے بتایا تھا کہ ہلاک شدت پسندوں کے قبضے سے خودکار ہتھیار بھی برآمد کئے گئے جبکہ مارے گئے دہشت گرد پولیس پر ہونے والے حملوں اور دیگردہشت گرد کاروائیوں میں مطلوب تھے۔