بلوچستان: پشین میں نامعلوم افراد کی فائرنگ سے پولیس اہلکار ہلاک

کوئٹہ (ڈیلی اردو) صوبہ بلوچستان کے ضلع پشین میں نامعلوم افراد کی فائرنگ سے پولیس اہلکار ہلاک ہوگیا۔

https://twitter.com/ShabbirTuri/status/1587402364222218240?t=vGWJgWQMXYRgc2CRNoTclA&s=19

سرکاری ذرائع کے مطابق پشین کے علاقے کلی تراٹہ میں نامعلوم مسلح افراد نے پولیس اہلکار زین اللہ کاکڑ کو اس وقت نشانہ بنایا جب وہ صدر تھانہ سرخاب سے ڈیوٹی کے بعد سرکاری وردی میں گھر کی طرف جارہا تھا۔

ذرائع کے مطابق پولیس اہلکار کی لاش کو سول ہسپتال پشین منتقل کردی گئی، جہاں قانونی کارروائی کے بعد لاش کو پوسٹمارٹم کیلئے کوئٹہ منتقل کردیا گیا۔

پولیس اہلکار زین اللہ کاکڑ کا تعلق برشور کے کلی تخوائی کرم زئی سے بتایا جاتا ہے۔

یاد رہے کہ گزشتہ ہفتے کلی تراٹہ میں پولیو ٹیم کیساتھ سیکیورٹی پر مامور پولیس اہلکار کو بھی ہلاک کیا گیا۔

دوسری جانب کالعدم تنظیم تحریک طالبان پاکستان نے حملے کی ذمہ داری قبول کرلی۔