بلوچستان: ‏چمن میں صوبائی وزیر انجینئر زمرک خان اچکزئی کے قافلے پر مسلح افراد کی فائرنگ

کوئٹہ (ڈیلی اردو) صوبۂ بلوچستان کے سرحدی شہر چمن میں شاہراہ میزئی آڈہ کے علاقے میں نامعلوم دہشتگردوں نےصوبائی وزیر خوراک انجنئر زمرک خان اچکزئی پر حملہ کر دیا۔ جوابی فائرنگ میں دہشت گرد فرار ہوگئے۔

ڈپٹی کمشنر قلعہ عبداللہ منیر کاکڑ کے مطابق فائرنگ سے اے این پی کے مرکزی رہنماء و صوبائی وزیر خوراک انجینئر زمرک خان اچکزئی محفوظ رہے۔ صوبائی وزیر کے سکواڈ میں موجود پولیس، لیویز اور گن مینوں کی جوابی فائرنگ سے دہشت گرد فرار ہوگئے۔

صوبائی وزیر خوراک انجینئر زمرک خان اچکزئی نے میڈیا سے بات چیت کرتے ہوئے کہ اللہ کے کرم سے محفوظ ہوں جنہوں نے فائرنگ کی جانتا ہوں، بارش اور سیلابی ریلوں سے متاثرہ علاقوں کے دورے پر تھا کہ فائرنگ کی گئی۔

انجینئر زمرک خان اچکزئی کا کہنا تھا کہ اس طرح کے منفی ہتھکنڈے سے مرعوب نہیں ہونگا، صوبائی حکومت انتظامیہ دہشت گردوں کے خلاف موثر کارروائی کرے گی۔