بلوچستان: ڈیرہ مراد جمالی میں دھماکا، پولیس اہلکاروں سمیت 16 افراد زخمی

کوئٹہ (ڈیلی اردو )پاکستان کے شورش زدہ صوبہ بلوچستان کے ضلع نصیر آباد کے شہر ڈیرہ مراد جمالی میں ڈی سی چوک کے قریب مین بازار میں دستی بم کا دھماکا ہوا ہے۔

ایس ایس پی اسد اللہ کے مطابق موٹر سائیکل دہشت گردوں نے ڈی سی چوک کے قریب مین بازار میں دستی بم پولیس موبائل پر پھینک کر فرار ہوگئے۔

انہوں نے بتایا کہ دستی بم دھماکے میں 4 پولیس اہلکار اور 15 شہری زخمی ہوئے ہیں۔

دھماکے کے فوری بعد پولیس، قانون نافذ کرنے والے اداروں کی نفری موقع پر پہنچ گئی اور زخمیوں کو فوری طور پر طبی امداد کے لیے قریبی اسپتال منتقل کیا گیا ہے۔

پولیس حکام کا کہنا ہے کہ علاقے کو گھیرے میں لے کر حملہ آور کی تلاش شروع کردی گئی ہے۔