بلوچستان: کوئٹہ میں دھماکا، چار افراد زخمی

کوئٹہ (ڈیلی اردو) صوبہ بلوچستان کے صوبائی دارالحکومت کوئٹہ میں سریاب روڈ پر دھماکا ہوا ہے، جس میں چار افراد زخمی ہوگئے۔

تفصیلات کے مطابق کوئٹہ کے سریاب روڈ پر زور دار دھماکا ہوا، جس کی آواز دور دور تک سنائی دی۔ دھماکے کے نتیجے میں قریبی عمارتوں اور اطراف میں کھڑی گاڑیوں کو بھی نقصان پہنچا۔

واقعے کے بعد پولیس اور سیکیورٹی کی بھاری نفری جائے وقوعہ پر پہنچی اور ریسکیو اداروں کی مدد سے زخمیوں کو ہسپتال منتقل کیا۔

ہسپتال ذرائع کے مطابق دھماکے کے چار زخمیوں کو ہسپتال منتقل کیا گیا ہے، جن کی حالت خطرے سے باہر ہے۔

ترجمان سول ہسپتال کا کہنا ہے کہ زخمی افراد کے نام خیر محمد، گل خان، صلاح الدین اور زین الدین ہیں۔

پولیس حکام کے مطابق دھماکے کی نوعیت کا تعین کیا جارہا ہے جبکہ جائے وقوعہ سے شواہد اکھٹے کرنے کا سلسلہ بھی جاری ہے