بنوں سے حافظ گل بہادر گروپ کے 4 مبینہ دہشت گرد گرفتار

پشاور (ڈیلی اردو) صوبہ خیبر پختونخوا کے ضلع بنوں میں کاؤنٹر ٹیررزم ڈیپارٹمنٹ (سی ٹی ڈی) نے 4 مبینہ دہشت گردوں کو گرفتار کرلیا۔

سی ٹی ڈی کے مطابق ضلع بنوں میں خفیہ اطلاعات پر کارروائی کی گئی، اس دوران چار دہشت گردوں کو گرفتار کیا گیا، گرفتار دہشت گردوں سے اسلحہ، موبائل فون اور دیگر سامان برآمد کیا گیا۔

حکام سی ٹی ڈی کے مطابق گرفتار دہشت گردوں کا تعلق حافظ گل بہادر گروپ کے لوکل کمانڈر عتیق الرحمن عرف ٹیپو گل گروپ سے ہے، گرفتار ملزمان حالیہ پولیس ٹارگٹ کلنگ اور بھتہ خوری میں ملوث تھے۔

سی ٹی ڈی نے بنوں میں ہی دوسری کارروائی کرتے ہوئے مطلوب دہشت گرد اختر کو بھی گرفتار کیا، گرفتار دہشت گرد کا تعلق حافظ گل بہادر گروپ سے ہے، جس کے سر کی قیمت 20 لاکھ روپے مقرر کی گئی تھی۔