بنوں میں امن کمیٹی کے دفتر پر شدت پسندوں کا حملہ، 3 افراد ہلاک، 9 زخمی

بنوں (نمائندہ ڈیلی اردو) صوبہ خیبر پختونخوا کے ضلع بنوں میں امن کمیٹی کے دفتر پر شدت پسندوں کی جانب سے حملہ کیا گیا جس میں 3 افراد ہلاک اور 9 زخمی ہو گئے۔

پولیس کے مطابق واقعہ بنوں کے تھانہ اتمانزئی کی حدود میں پیش آیا جہاں علاقہ گربز میں شدت پسندوں کی جانب سے امن کمیٹی کے دفتر پر حملہ کیا گیا جس میں 3 افراد موقع پر ہلاک جبکہ 9 زخمی ہو گئے۔

پولیس کے مطابق جوابی فائرنگ سے 8 حملہ آور بھی زخمی ہوئے۔ تاہم حملہ آور فرار ہوگئے۔

زخمیوں کو فوری طور پر مقامی ہسپتال منتقل کر دیا گیا ہے جبکہ علاقے میں سکیورٹی سخت کر دی گئی ہے۔

حکام کا کہنا ہے کہ واقعے کی تحقیقات کا آغاز کر دیا گیا، حملہ آوروں کی گرفتاری کیلئے سرچ آپریشن جاری ہے۔