بنوں میں فوجی قافلے پر خودکش حملہ، 10 اہلکار ہلاک، 20 زخمی

اسلام آباد (ش ح ط) صوبہ خیبر پختونخوا کے ضلع بنوں میں فوجی قافلے پر خودکش حملے میں 10 اہلکار ہلاک جبکہ 20 زخمی ہو گئے ہیں۔

بنوں کے علاقے جانی خیل میں سیکورٹی فورسز کے قافلے پر خودکش حملہ، ہلاکتوں کا خدشہ#JaniKhel #Bannu #Pakistan

— Shabbir Hussain Turi (@ShabbirTuri) August 31, 2023

سرکاری ذرائع کے مطابق بنوں کے علاقے جانی خیل کے قریب ایک موٹر سائیکل سوار خودکش بمبار نے خود کو سیکیورٹی فورسز کا ایک گاڑی سے ٹکرا دیا جس سے کم از کم 10 افراد ہلاک اور 20 اہلکار زخمی ہو گئے۔

ہلاک ہونے والے اہلکاروں کی شناخت نائب صوبیدار صنوبر، حوالدار عارف، حوالدار آفتاب، حوالدار عمران، سپاہی حبیب، سپاہی ذیشان، سپاہی رشید، سپاہی احمد علی، سپاہی وارث شامل ہیں جبکہ زخمیوں میں حوالدار اشرف، حوالدار یسین، حوالدار شاہد سعید، حوالادار ارسلان، نائیک طارق، نائیک ضمیر، لانس نائیک نوید، سپاہی انصار، سپاہی ممتاز، سپاہی ناصر، ایف سی این نیاز، نائب صوبیدار ریاض، سپاہی فداء حسین، سپاہی وقار، سپاہی اعجاز، سپاہی رشید، سپاہی بلال، سپاہی اعجاز، این سی بی سہیل اور کنٹین کنٹریکٹر امتیاز شامل ہے۔

لاشوں اور زخمیوں کو ملٹری ہسپتال منتقل کر دیا گیا، جہاں بعض کی حالت تشویشناک بتائی جاتی ہے۔ اس دوران سیکیورٹی فورسز نے علاقے کو گھیرے میں لے لیا اور سرچ آپریشن جاری ہے۔

The Hafiz Gul Bahadur group claimed responsibility for today's deadly suicide attack against Pakistani security forces, in Jani Khel area of Bannu district, in Khyber Pakhtunkhwa. https://t.co/xbtde9Hv9f pic.twitter.com/OQS10086w0

— Afghan Analyst (@AfghanAnalyst2) August 31, 2023

ادھر فوجی قافلے پر ہونے والے حملے کی ذمہ داری حافظ گل بہادر گروپ سے منسلک لشکر سفیان کاروان کے ترجمان طوری داوڑ نے قبول کرلی ہے۔