بونیر میں چیک پوسٹ پر فائرنگ، ایک پولیس اہلکار ہلاک، دوسرا شدید زخمی

بونیر (نمائندہ ڈیلی اردو) صوبہ خیبر پختونخوا کے ضلع بونیر میں پولیس چیک پوسٹ پر دہشت گردوں نے حملہ کر دیا جس کے نتیجے میں ایک پولیس اہلکار ہلاک جبکہ دوسرا شدید زخمی ہو گیا۔

#Pakistan: One policeman has been killed and another got injured in an attack targeting a police checkpoint in the Buner district of Khyber Pakhtunkhwa province. https://t.co/Qx8ejTjZya

— ???? (@cozyduke_apt29) February 6, 2024

پولیس کے مطابق رات گئے نامعلوم مسلح افراد نے امبیلہ چیک پوسٹ پر فائرنگ کی، جس کے نتیجے میں ایک پولیس اہلکار فضل رازق ہلاک جبکہ عبدالرشید نامی اہلکار شدید زخمی ہوگئے۔ جنہیں علاج اور پوسٹمارٹم کےلیے قریبی اسپتال منتقل کردیا گیا۔

واقعے کے بعد پولیس کی بھاری نفری جائے وقوع پر پہنچ گئی جبکہ ملزمان کی گرفتاری اور واقعے کی تحقیقات کا آغاز کردیا گیا۔

واضح رہے کہ ڈیرہ اسماعیل خان کی تحصیل درابن میں واقع تھانہ چودہواں پر دہشتگردوں نے حملہ کردیا۔ دہشت گرد حملے میں پولیس کے 10 جوان ہلاک جبکہ 9 اہلکار زخمی ہوگئے تھے۔

پولیس کاکہنا ہے تھا تھانے پرچاروں اطراف سے حملہ کیا گیا، اس دوران دستی بم پھینکے گئےاورشدید فائرنگ کی گئی، جس کے بعد پولیس نے بھی بھرپور جوابی فائرنگ کی تاہم دہشتگرد رات کے اندھیرے میں فرار ہوگئے۔