بھارت: مہاراشٹر میں نامعلوم مسلح افراد کے حملے میں جمعیت علمائے ہند کے رہنما سمیت دو افراد زخمی

نئی دلی (ڈیلی اردو) بھارتی ریاست مہاراشٹر کے ضلع پربھانی میں نامعلوم مسلح افراد کے حملے میں جمعیت علمائے ہند کے رہنما اور ایک مدرسے کے سربراہ زخمی ہوگئے ہیں۔ جمعیت علمائے ہند کی پربھانی یونٹ کے صدر اور دارالعلوم فرقانیہ، سیلو کے سربراہ مولانا محمد صادق ندوی پر مدرسے سے گھر جاتے وقت حملہ کیا گیا۔

President of Parbhani branch of Jamiat Ulama Maulana Muhammad Sadiq Nadwi suffered a hate crime at Selu in Parbhani in the night of 14 Sept. His motorcycle was attacked by shouting assailants riding a motorbike. He fell on the road, sustained head injuries while assailants fled. pic.twitter.com/eEg6awRdGZ

— Zafarul-Islam Khan (@khan_zafarul) September 17, 2022

جمعیت علمائے ہند نے ایک بیان میں کہا ہے کہ مولانا ندوی اپنے ساتھی حافظ جنید کے ساتھ  گھر جارہے تھے کہ اچانک موٹر سائیکل پر سوار تین افراد نے ان پر حملہ کیا اور ندوی کی موٹر سائیکل کو ٹکر مار دی جس سے وہ زمین پر گرکر شدید زخمی ہو گئے جبکہ حملہ آور فرار ہونے میں کامیاب ہو گئے۔

انہوں نے کہا کہ مولانا کو فوری طور پر ہسپتال پہنچایا گیا جہاں طبعی معائنہ کے بعد ان کی حالت بہتر بتائی جاتی ہے۔

جمعیت علمائے ہند کے مہاراشٹر ونگ کے صدر مولانا حافظ محمد ندیم صدیقی نے حملے کی مذمت کرتے ہوئے حملہ آوروں کے خلاف  سخت کارروائی کا مطالبہ کیا۔ دریں اثناء  دلی اقلیتی کمیشن کے سابق چیئرمین ظفر الاسلام خان نے واقعہ کے بارے میں ایک ٹویٹ میں اسے نفرت انگیز جرم قرار دیاہے۔