بھارت کے اسلام آباد میں ہائی کمیشن پر مبینہ ڈرون پرواز کا دعویٰ پاکستان نے مسترد کر دیا

اسلام آباد (ڈیلی اردو/وی او اے) پاکستان نے بھارت کے اس دعوے کو مسترد کر دیا ہے کہ ایک ڈرون طیارے کو مبینہ طور پر اسلام آباد میں واقع بھارت کے ہائی کمیشن کی عمارت کے اوپر پرواز کرتے ہوئے دیکھا گیا ہے۔

پاکستان کے دفترِ خارجہ کے ترجمان زاہد حفیظ چوہدری نے جمعے کو ایک بیان میں کہا کہ اس الزام کا نئی دہلی نے اسلام آباد کو کوئی ثبوت فراہم نہیں کیا۔

جمعے کو بھارت کے ذرائع ابلاغ میں وزارتِ خارجہ کےحوالے سے یہ دعویٰ کیا گیا تھا کہ گزشتہ ہفتے پاکستان میں بھارت کے ہائی کمیشن کی عمارت کے اوپر ڈرون طیارے کی مبینہ پرواز کے بعد نئی دہلی نے اسلام آباد سے معاملے کی تحقیقات کا مطالبہ کیا تھا اور پاکستان پر زور دیا گیا ہے کہ ایسے کسی واقعے کو دوبارہ رونما ہونے سے روکا جائے۔

Breaking: A drone has been spotted inside the premises of Indian High Commission in Islamabad, Pakistan. India strongly objects to this security breach.

— DD India (@DDIndialive) July 2, 2021

مبینہ ڈرون پرواز کو نئی دہلی نے بھارت کے ہائی کمیشن کی سیکیورٹی کی خلاف ورزی بھی قرار دیا ہے۔

رپورٹس میں دعویٰ کیا گیا ہے کہ بھارت نے اس مبینہ واقعہ کے رونما ہونے پر پاکستان سے تحریری احتجاج ریکارڈ کرایا ہے۔

#BREAKING: India officially confirms a drone being spotted inside Indian High Commission in Islamabad. India asks Pakistan to investigate the incident and prevent such breach of security. pic.twitter.com/ZguOJyIgF4

— Aditya Raj Kaul (@AdityaRajKaul) July 2, 2021

دوسری جانب پاکستان کے دفترِ خارجہ کے ترجمان نے بھارت کے ہائی کمیشن کے اوپر کسی بھی ڈرون پرواز کے دعوے کو نئی دہلی کا پروپیگنڈا قرار دیا ہے۔

Curiously, this propaganda campaign by India is also happening at a time when evidence so far collected in the Lahore blast of 23 June is increasingly pointing to external forces with a history of perpetrating state-sponsored terrorism against Pakistan. 2/3

— Ministry of Foreign Affairs – Pakistan (@ForeignOfficePk) July 2, 2021

پاکستان کے دفترِ خارجہ کے ترجمان کے مطابق انہوں نے بھارت کے ذرائع ابلاغ کی رپورٹس اور بھارت کی وزارتِ خارجہ کا بیان دیکھا ہے جس میں یہ الزام عائد کیا گیا ہے کہ اسلام آباد میں بھارت کے ہائی کمیشن کی عمارت کے اوپر ڈرون کی مبینہ پرواز کا الزام عائد کیا گیا ہے۔

ترجمان کے بقول یہ مضحکہ خیز دعویٰ بے بنیاد ہے اور ان الزامات کو ثابت کرنے کے لیے کوئی ثبوت فراہم نہیں کیا گیا۔

Pakistan rejects these patently false allegations & diversionary Indian tactics, & will continue to stand by the people of #IIOJK in their just struggle for the right to self-determination, as enshrined in the UNSC resolutions. 3/3

— Ministry of Foreign Affairs – Pakistan (@ForeignOfficePk) July 2, 2021

پاکستان کے دفترِ خارجہ کے ترجمان کے حالیہ بیان پر نئی دہلی کا کوئی ردِ عمل سامنے نہیں آیا۔

اسلام آباد میں بھارت کے ہائی کمیشن کے اوپر ڈرون طیارے کی اڑان کا الزام ایسے موقع پر سامنے آیا ہے جب حال ہی میں بھارت کی فوج نے دعویٰ کیا تھا کہ جون آخر میں بھارت کے زیرِ انتظام کشمیر میں فضائیہ کے ایک اڈے پر دو ڈرونز کے ذریعے حملے کی کوشش کو ناکام بنایا گیا تھا۔

بھارت کے نائب وزیرِ داخلہ جی کشن ریڈی نے ایک بیان میں کہا تھا کہ جموں کے فضائی اسٹیشن پر ہونے والے حملے میں پاکستان کے کردار کو خارج از امکان قرار نہیں دیا جا سکتا۔

پاکستان کے دفترِ خارجہ نے اس بیان کو بھی مسترد کرتے ہوئے کہا تھا کہ نئی دہلی بغیر کسی ثبوت کے پاکستان پر الزامات عائد کر رہا ہے۔