تحریک انصاف نے قبائلی اضلاع کیلئے صوبائی اسمبلی کے امیدواروں کا اعلان کردیا

پارا چنار (جاوید حسین) پاکستان تحریک انصاف کے انتخابی سلیکشن بورڈ نے قبائلی اضلاع کے 16 نشستوں کے لئے امیدواروں کا اعلان کردیا

تفصیلات کے مطابق پاکستان تحریک انصاف کے انتخابی سلیکشن بورڈ نے خیبر پختونخوا میں ضم ہونے والے قبائلی اضلاع کے 16 نشستوں کا اعلان کر دیا۔

پارٹی اعلامیہ کے مطابق پی کے 100 باجوڑ 1 کا ٹکٹ انورزیب جبکہ پی کے 101 باجوڑ 2 کا ٹکٹ اجمل خان کو دیا گیا۔جبکہ پی کے 102 باجوڑ 3 سے حامدالرحمن پارٹی امیدوار قراردیاگیا۔ اعلامیہ کے مطابق پی کے 103 مہمند 1 کا ٹکٹ رحیم شاہ کو جبکہ پی کے 104 مہمند 2 سے محمداسرار امیدوار ہوگا۔

صوبائی نشست 105 کا ٹکٹ شاہد حسین اور پی کے 106 کا ٹکٹ امیرمحمد خان کو دیا گیا۔ پی کے 107 خیبر 3 سے محمد زبیر پی ٹی آئی کا امیدوار نامزد کردیا گیا۔ پی کے 108 کرم 1 سے شاہد خان بنگش اور پی کے 109 کرم 2 سے سید اقبال میاں پارٹی امیدوار نامزد کر دیا گیا۔

صوبائی نشست 110 اورکزئی کے لئے شعیب حسن اور پی کے 111 شمالی وزیرستان 1 سے محمد اقبال خان امیدوار نامزد کردیا گیا۔ پی کے 112 شمالی وزیرستان 2 سے اورنگ زیب خان جبکہ پی کے 113 جنوبی وزیرستان 1 کاٹکٹ افسرخان کو دیا گیا۔ پی کے 114 جنوبی وزیرستان 2 کے لئے نصیراللہ خان پارٹی امیدوار نامزدکردیا گیا۔ اعلامیہ کے مطابق پی کے 115 سابق فرنٹئیر ریجنز کے لئے عابدالرحمن پارٹی کا امیدوار نامزد کردیا گیا۔