تحریک لبیک پاکستان کے کارکنوں کی مبینہ طور پر پولیس پر سیدھی فائرنگ کی ویڈیو سامنے آگئی

لاہور (ویب ڈیسک) کالعدم تنظیم تحریک لبیک پاکستان (ٹی ایل پی) کے مبینہ کارکنوں کی جانب سے پولیس پر سیدھی فائرنگ کی ویڈیو سامنے آ گئی۔

گزشتہ روز سادھوکی کے مقام پر پولیس اور ٹی ایل پی کارکنوں میں جھڑپوں میں 4 پولیس ہلاک جبکہ 253 زخمی ہوگئے تھے۔ سوشل میڈیا پر واقعے کی ویڈیو سامنے آگئی۔

پُرامن تحریک لبیک والوں کی پولیس پر سیدھی فائرنگ۔۔۔ pic.twitter.com/bOL66Xcuc1

— Aftab Ahmad Goraya (@GorayaAftab) October 28, 2021

وزیر قانون راجہ بشارت کا کہنا ہے کہ جن افراد نے فائرنگ کی یا تھوڑ پھوڑ کی سب افراد کو گرفتار کیا جائے گا۔

ذرائع کے مطابق قانون نافذ کرنیوالے اداروں نے کالعدم تنظیم کے 97 افراد کی شناخت کر لی، جن کی گرفتاری کے لئے حکمت عملی مرتب کر لی گئی ہے۔ اسپیشل کمانڈوز سادہ کپڑوں میں ملبوس ہوکر فائرنگ کرنیوالے افراد کو گرفتار کریں گے، پلان ٹو کے تحت فائرنگ کے لئے سہولت کار بننے والے 30 افراد کو بھی گرفتار کیا جائے گا۔

ملزمان کی مختلف ویڈیوز، سی سی ٹی وی کیمروں کی مدد سے شناخت کی گئی۔ وزیر قانون پنجاب راجہ بشارت نے فائرنگ کرنیوالے افراد کی گرفتاری کا حکم دیا ہے۔