جدہ: او آئی سی نے امریکی صدر کی مشرق وسطیٰ ڈیل کو مسترد کردیا

جدہ (ڈیلی اردو) اسلامی ممالک کی تنظیم ’او آئی سی‘ نے مشرق وسطیٰ کے لیے امریکی صدر ڈونلڈ ٹرمپ کے امن منصوبے کو یک طرفہ قرار دیتے ہوئے مسترد کر دیا ہے۔

عالمی خبر رساں ادارے کے مطابق 57 اسلامی ممالک پر مشتمل تنظیم ‘اسلامی تعاون تنظیم‘ کے جدہ میں ہونے والے اجلاس میں امریکی صدر ڈونلڈ ٹرمپ کی جانب سے مشرق وسطیٰ کے لیے پیش کیے گئے منصوبے کو مسترد کردیا گیا ہے۔

Resolution Adopted by the Open-Ended Extraordinary Meeting of the #OIC Executive Committee at the Level of Foreign Ministers to discuss the implications of the US Administration's so-called “Deal of the Century”: https://t.co/5KDpF08P4v #Palestine pic.twitter.com/qaPlPILcTK

— OIC (@OIC_OCI) February 3, 2020

او آئی سی نے رکن ممالک کو اس منصوبے کے لیے امریکی انتظامیہ کے ساتھ کسی قسم کا تعاون یا مدد پیش نہ کرنے کی ہدایت کرتے ہوئے کہا ہے کہ یہ ڈیل یک طرفہ ہے جس میں فلسطینی قیادت اور عوام کی امنگوں کا خیال نہیں رکھا گیا ہے اور صرف ایک فریق کو نوازا گیا ہے۔

اس سے قبل عرب لیگ نے صدر ٹرمپ کے دو ریاستی منصوبے کو مسترد کرتے ہوئے کہا تھا کہ اس حوالے سے امریکا کے ساتھ کسی قسم کا تعاون نہیں کیا جائے گا۔ اس ڈیل کے ذریعے فلسطینیوں کو ان کے جائز حقوق سے محروم رکھا گیا ہے۔ فلسطین کے صدر محمود عباس نے بھی ڈیل کو مسترد کردیا تھا۔