جنوبی وزیرستان سے سپیشل برانچ اہلکار سمیت 3 پولیس اہلکار اغوا

وانا (ل م) پاکستان کے صوبے خیبر پختونخوا کے قبائلی ضلع جنوبی وزیرستان سے شدت پسندوں نے 3 پولیس اہلکاروں کو اغوا کرلیا ہے۔

تفصیلات کے مطابق جنوبی وزیرستان کے تھانہ لدھا کی حدود سے طالبان نے 3 پولیس اہلکاروں کو اغوا کرلیا گیا۔

ڈی پی او اپر وزیرستان ارشد خان کا کہنا ہے کہ گاؤں زنگڑہ میں شدت پسندوں نے 3 پولیس اہلکاروں کو اغوا کیا، مغوی اہلکاروں میں حکمت یار، اسحاق اور سپیشل برانچ اہلکار اسد اللہ شامل ہیں۔

ڈی پی او اپر وزیرستان نے بتایا کہ پولیس اہلکاروں کا تعلق محسود قبیلے سے ہے، پولیس اہلکار جنوبی وزیرستان لوئر میں تھانہ راغزائی میں تعینات تھے۔

ارشد خان نے مزید کہا کہ پولیس اہلکاروں کی بازیابی کیلئے علاقے میں سرچ آپریشن کیا جارہا ہے۔