جنوبی وزیرستان میں نامعلوم افراد کی فائرنگ سے صدارتی ایوارڈ یافتہ قبائلی رہنما ہلاک

وانا (ل و) صوبہ خیبر پختونخوا کے ضلع جنوبی وزیرستان میں نامعلوم ملسح افراد کی فائرنگ سے صدارتی ایوارڈ یافتہ قبائلی رہنما ملک عبدالخالق وزیر ہلاک ہوگئے۔

تفصیلات کے مطابق جنوبی وزیرستان لوئر کی تحصیل وانا میں پریس کلب کے سامنے پولیس لائن کے قریب صدارتی ایوارڈ یافتہ قبائلی رہنما ملک عبدالخالق وزیر پر نامعلوم افراد نے فائرنگ کردی۔

فائرنگ کے نتیجے میں ملک عبدالخالق شدید زخمی ہو گئے جنہیں فوری طور پر زخمی حالت میں ڈسٹرکٹ ہیڈکوارٹر ہسپتال منتقل کیا گیا، جہاں سے انہیں ڈیرہ اسماعیل خان ریفر کیا جارہا تھا کہ راستے میں زخمیوں کی تاب نہ لاتے ہوئے دم توڑ گئے۔

ناخوشگوار واقعے سے حوالے سے پولیس کا کہنا ہے کہ تحقیقات شروع کردی تفتیش کے بعد تفصیلات میڈیا کے سامنے پیش کریں گے۔

اہل علاقہ کے سیاسی و سماجی حلقوں نے گہرے غم دکھ کا اظہار کرتے ہوئے واقعے کی تحقیقات کی درخواست کی ہے۔