جنوبی وزیرستان: پی ٹی ایم رہنما عارف وزیر قاتلانہ حملے میں شدید زخمی، حالت تشویشناک

وانا (ڈیلی اردو) خیبر پختونخوا کے قبائلی ضلع جنوبی وزیرستان کے ہیڈ کوارٹر وانا میں پی ٹی ایم کے اہم رہنما عارف وزیر قاتلانہ حملے میں شدید زخمی ہو گئے۔

تفصیلات کے مطابق پشتون تحفظ موومنٹ کے اہم رہنما اور رکن قومی اسمبلی علی وزیر کے چچازاد بھائی عارف وزیر پر جمعہ کی شام نامعلوم افراد نے قاتلانہ حملہ کیا جس کے نتیجے میں وہ شدید زخمی ہوچکے ہیں۔

ذرائع مطابق انہیں جنوبی وزیرستان کے ہیڈ کوارٹر وانا کے علاقے غواخوا میں گھر کے قریب نشانہ بنایا گیا۔

ذرائع کے مطابق عارف وزیر بازار سے اپنے گھر کی طرف جارہے تھے کہ نامعلوم کار سواروں نے فائرنگ کردی۔ عارف وزیر کو فوری طور وانا ہسپتال منتقل کر دیا گیا۔

ہسپتال ذرائع کے مطابق عارف وزیر کی حالت انتہائی تشویشناک ہے اور ان کو ڈی ایچ کیو ہسپتال ڈیرہ اسماعیل خان منتقل کیا جا رہا ہے۔

پی ٹی ایم رہنما عبداللہ ننگیال کے مطابق عارف وزیر کو تین گولیاں لگی ہیں اور انہیں مزید علاج کیلئے ڈیرہ اسماعیل خان ہسپتال منتقل کردیا گیا ہے۔

عارف درې مرمۍ لګیدلئ خو انشاالله خطرې نه باهر ده او انشاالله بچ به شی دعا کوې

— Abdullah Nangyal (@a_baitanai) May 1, 2020

اس وقت سماجی رابطوں کی ویب سائٹ ٹوئٹر پر عارف وزیر ٹاپ ٹرینڈ کررہے ہیں۔

#ArifWazir the well known political activist from Waziristan is seriously wounded, he's earlier detained several times and his history of torture, and loss of more than half dozen family members is very obvious of grieves his family has been through pic.twitter.com/o43AN8MiuQ

— Malik Achakzai (@MalikAchkJourno) May 1, 2020

صحافی مالک اچکزئی نے لکھا ہے کہ عارف وزیر کو اس سے پہلے کئی بار گرفتار کیا گیا تھا، چھ سے زائد خاندان کے افراد کو قتل کیا جاچکا ہے۔

امریکا میں مقیم پی ٹی ایم کی رکن گلالئ اسماعیل نے لکھا کہ عارف وزیر کو چند عرصہ پہلے ہی جیل سے رہائی ملی تھی، اس وقت وہ زندگی اور موت کی کشمکش میں ہیں جبکہ پی ٹی ایم کی جانب سے بار بار سابقہ فاٹا میں شدت پسند تنظیموں کی دوبارہ منظم ہونے کی طرف اشارہ کیا جاچکا ہے۔

PTM activist #ArifWazir who had been arrested several times & kept in inhuman conditions has been attacked by militants. He’s struggling for life. He was recently released on bail. PTM activist have been warning regularly about the re-organisation of militant groups in ex-FATA.

— Gulalai Ismail ګلالۍاسماعیل (@Gulalai_Ismail) May 1, 2020

واضح رہے کہ ابھی تک کسی بھی گروپ کی جانب سے اس واقعے کی ذمہ داری قبول نہیں کی گئی اور ابتدائی اطلاعات کے مطابق عارف وزیر اس وقت کومہ میں ہیں جس کی تصدیق رکن قومی اسمبلی اور عارف وزیر کے چچازاد بھائی علی وزیر نے بھی کی ہے۔

اے این پی کے مرکزی کونسل کے ممبر اور نامور لکھاری خان زمان کاکڑ نے لکھا کہ گزشتہ تین سالوں سے پی ٹی ایم کو ہر رمضان میں نشانہ بنایا جارہا ہے۔

Each Ramazan for consecutively three years they attack PTM. #ArifWazir

— Khan Zaman Kakar (@khanzamankakar) May 1, 2020

پی ٹی ایم کے رکن حیات پریغال نے سوشل میڈیا پر عارف وزیر کی حالت کے بارے میں بتاتے ہوئے لکھا ہے کہ انہیں تین گولیاں لگی ہیں اور مزید علاج کیلئے انہیں ڈی آئی خان منتقل کیا گیا ہے۔

https://twitter.com/HayatPreghal/status/1256252863078006786?s=19

اس سے پہلے رکن قومی اسمبلی محسن داوڑ نے ٹوئٹر پر اس بارے پیغام شیئر کرتے ہوئے لکھا کہ عارف عزیر پر وانا میں قاتلانہ حملہ ہوا جس میں وہ شدید زخمی ہوچکے ہیں۔ وانا ہسپتال کا عملہ انہیں بچانے کی پوری کوشش کر رہا ہے، عوام ان کی صحت کیلئے دعا کریں۔

Arif Wazir has been critically injured in a militant attack in Wanna today. Staff at Wanna hospital are trying to save his life, please pray for him.

— Mohsin Dawar (@mjdawar) May 1, 2020

ذرائع کے مطابق عارف وزیر چند دن قبل ڈیرہ اسماعیل خان جیل سے رہا ہوئے تھے۔

واضح رہے کہ غواخوا وہ علاقہ ہے جہاں شدت پسندوں کے کئی ٹھکانے موجود تھے اور آپریشن ضرب عضب سے پہلے یہاں مکانات پر کئی ڈرون حملے بھی ہوچکے ہیں۔