خیبر میں سی ٹی ڈی ٹیم پر حملہ، زیر حراست 2 دہشت گردوں سمیت 3 حملہ آور ہلاک

اسلام آباد (ش ح ط) کاؤنٹر ٹیررازم ڈیپارٹمنٹ (سی ٹی ڈی) خیبر پختونخوا نے قبائلی ضلع خیبر میں آپریشن کیا، آپریشن کے دوران فائرنگ کے تبادلے میں مبینہ طور پر 3 دہشت گرد ہلاک ہوگئے۔

Three militants have been reportedly killed by CT forces at a mosque in Khyber. #Pakistan https://t.co/cVsRhBc7Hj

— FJ (@Natsecjeff) September 2, 2023

سی ٹی ڈی کے مطابق فائرنگ کا واقعہ طورخم روڈ پر شاہ گئی چڑھائی کے پہاڑی سلسلے میں پیش آیا، سی ٹی ڈی ٹیم ملزمان کی نشاندہی پر اسلحہ اور گولہ بارود کی برآمدگی کیلئے پہنچی تھی۔ اس دوران دہشت گردوں نے سی ٹی ڈی کو دیکھتے ہی فائرنگ کردی۔

دہشت گردوں سے فائرنگ کے تبادلہ کے نتیجے میں کالعدم تنظیم کے 2 زیرحراست ملزمان ہلاک ہو گئے۔ جبکہ سی ٹی ڈی کی جوابی کارروائی میں ایک دہشت گرد بھی ہلاک ہوگیا۔ ہلاک دہشت گرد کے قبضے سے اسلحہ، دستی بم برآمد ہوا۔

مقامی صحافیوں کا کہنا ہے کہ ہلاک ہونے والے مبینہ دہشت گردوں کی لاشیں جمرود ہسپتال پہنچا دی گئی جنھیں فائرنگ کرکے ہلاک کیا گیا ہے۔

ذرائع کے مطابق ہلاک ہونے والے 2 دہشت گردوں کی شناخت عمر ملک دین خیل اور جبار ملک دین خیل کے نام سے ہوئی ہے جن کا تعلق کالعدم تنظیم سے ہے۔ جبکہ ایک لاش کی شناخت تاحال نہیں ہو سکی۔

سی ٹی ڈی حکام کا کہنا ہے کہ معاملے کی مزید تحقیقات جاری ہے۔