خیبر میں سیکیورٹی قافلے پر بم حملہ، 8 اہلکار اور 2 شہری زخمی

باڑہ (نمائندہ ڈیلی اردو) پاکستان کے شورش زدہ صوبے خیبر پختونخوا کے قبائلی ضلع خیبر کی تحصیل باڑہ کے علاقے شلوبر میں سیکیورٹی فورسز کے قافلے کو نشانہ بنایا گیا، جہاں موٹر سائیکل میں نصب بم زور دار دھماکے سے پھٹ گیا۔ دھماکے کے نتیجے میں سیکیورٹی فورسز کے 8 اہلکار اور 2 شہری شدید زخمی ہو گئے۔

سیکیورٹی ذرائع کے مطابق بم موٹر سائیکل میں فِٹ کر کے سڑک کے کنارے رکھا گیا تھا، اور جیسے ہی سیکیورٹی فورسز کا قافلہ قریب پہنچا تو دھماکہ ہوا۔ زخمیوں کو فوری طور پر قریبی اسپتال منتقل کیا گیا، جہاں انہیں طبی امداد فراہم کی جا رہی ہے۔

واقعے کے بعد سیکیورٹی فورسز نے علاقے کو گھیرے میں لے کر سرچ آپریشن شروع کر دیا ہے جبکہ تحقیقات بھی جاری ہیں۔