خیبر: وادی تیراہ میں شدت پسندوں نے دو بھائیوں کو اغوا کرلیا

باڑہ (نمائندہ ڈیلی اردو) پاکستان صوبے خیبر پختونخوا کے قبائلی ضلع خیبر کی دور افتادہ وادی تیراہ کے علاقے آدم خیل سے شدت پسندوں نے دو بھائیوں کو اغوا کرلیا۔

مقامی ذرائع کے مطابق شدت پسندوں نے سمیع اللہ اور الیاس کو گھر اغوا کر کے نامعلوم مقام پر منتقل کردیا۔

اس واقعے پر مقامی آبادی میں خوف و شدید خوف و ہراس پھیل گیا ہے۔

واضح رہے کہ گزشتہ روز کالعدم جماعت الاحرار نے تاجر رہنما حاجی شیر محمد آفریدی اور ابرار آفریدی کو گولیاں مار کر ہلاک کیا تھا۔

دریں اثنا وادی تیراہ کے علاقے قبیلہ آکاخیل درس کنڈولی درہ میں شدت پسندوں نے زونڈا گل نامی شخص کے گھر آکر ان سے کھانا کھلانے اور موٹر سائیکل کی فراہمی کا مطالبہ کیا۔ تاہم گھر کے سربراہ کے انکار پر عسکریت پسند طیش میں آکر گھر والوں پر سیدھی گولیاں برسا دی۔ جس کی زد میں چودہ سالہ جواں سال لڑکی آکر شدید زخمی ہوگئی۔

ذرائع کے مطابق مجروح لڑکی کو فوری طبی امداد کے لیے مشتی میلہ اسپتال اورکزئی منتقل کردیا گیا۔

اخری اطلاعات آنے تک لڑکی کی علاج معالجہ جاری ہے۔

یاد رہے کہ وادی تیراہ میں گزشتہ کئی مہینوں سے ایک بار پھر مسلح گروہ سرگرم عمل ہے جو سیکورٹی فورسز اور عام لوگوں کو نشانہ بنا رہے ہیں, انہی پرتشدد واقعات سے وادی تیراہ کے عوام میں شدید خوف و ہراس پایا جاتا ہے۔